Монополияга каршы органдын кызматкерлеринин 2020-жылгы карата профессионалдык деңгээлин (квалификациясын) жогорулатуу боюнча Мамагенттиктин иш-чаралар планына ылайык, Мамлекеттик агенттиктин компьютердик техника боюнча адистери 2020-жылдын 20-21-февраль күндөрү Санариптик трансформация суроолору боюнча кириш семинарын өтүштү. Аталган курс Кыргыз Республикасынын Мамлекеттик кадр кызматы тарабынан өткөрүлдү. Ошондой эле, Кыргыз Республикасынын Саламаттыкты сактоо министрлиги тарабынан Мамагенттиктин кызматкерлери үчүн Саламаттуу жашоого үгүттөө максатында Инфекциялык оорулардын алдын алуу жана болтурбоо жана Короновирус тууралуу маалыматтык семинары өткөрүлдү. Мамагенттиктин 2 кызматкери 2020-жылдын 17-февралынан 21-февраль аралыгына, Венгриянын Будапешт шаарында Будапешттеги (Венгриянын) атаандаштык маселелери боюнча региондук борбору тарабынан уюштурулган “Банк жана камсыздандыруу секторлорунда атаандащтыкты коргоо жана адвокатташтыруу (коргоо)” тууралуу семинарына катышып келишти.