2022-жылдын 7-декабрында Москва шаарында КМШга мүчө-мамлекеттердин керектөөчүлөрдүн укуктарын коргоо боюнча Консультативдик кеңештин төрагалыгы алдында – Роспотребнадзордун жетекчиси А.Ю. Попованын катышуусу менен, КМШга мүчө мамлекеттердин керектөөчүлөрдүн укуктарын коргоо боюнча Консультативдик кеңештин 19-отуруму (ВКС режиминде – видеоконференцбайланыш) болуп өттү.

Консультативдик кеңештин отурумунун жүрүшүндө төмөндөгү эң маанилүү маселелер каралды:

– КМШга мүчө мамлекеттерде болуп өткөн негизги экономикалык өнүгүүлөр боюнча.

– Товарларды интернет аркылуу, анын ичинде базарлар аркылуу сатуу аспектилери жана КМШга мүчө мамлекеттерде электрондук коммерцияда керектөөчүлөрдүн укуктарын коргоону камсыз кылуу боюнча.

Жыйындын жыйынтыгы боюнча эң актуалдуу маселелерди ыкчам кароо жана чечимдердин долбоорлорун даярдоо үчүн, ошондой эле, керектөөчүлөрдүн укуктарын коргоо жаатында ЕАЭБ мамлекеттеринин биргелешкен иш-аракеттеринин программаларын (максаттары, милдеттери, ишке ашыруу иштери), мшке ашыруу максатында, туруктуу жумушчу топ түзүү чечими кабыл алынды.

Иш-чарага Казакстан Республикасынын, Тажикстандын, Молдованын, Беларустун, Армениянын, Россия Федерациясынын, Азербайжандын, Грузиянын, Өзбекстандын ж.б. керектөөчүлөрдүн укуктарын коргоо жаатындагы мамлекеттик органдардын өкүлдөрү катышты. Ошондой эле Евразия экономикалык комиссиясынын, КМШнын аткаруу комитетинин өкүлдөрү, «Waldberry» ЖЧКсынын башкы директору жана «OZON Internet Solutions» ЖЧКсынын башкаруучу директору катышты.

Жыйынга Кыргыз Республикасынын Монополияга каршы жөнгө салуу кызматынын керектөөчүлөрдүн укуктарын коргоо башкармалыгынын башчысы А.А. Мамыралиев жана керектөөчүлөрдүн укуктарын коргоо жана ак ниет эмес атаандаштык бөлүмүнүн башчысы Р.Т.Казаков катышты.

Маалымат катары:

2000-жылдын 25-январынан тартып керектөөчүлөрдүн укугун коргоо жаатында Көз карандысыз Мамлекеттер Шериктештигине мүчө мамлекеттер КМШга мүчө мамлекеттердин керектөөчүлөрдүн укуктарын коргоо боюнча Консультативдик кеңеш КМШнын тармактык кызматташуу органы болуп келген, ал КМШга мүчө-мамлекеттердин мамлекеттик органдарынын өз ара аракеттенүүсүн координациялоо максатында түзүлгөн

Кеңештин негизги милдеттеринин бири – КМШга мүчө-мамлекеттердин мыйзамдарынын сапаты жана коопсуздугу боюнча, талаптарын бузган чарба жүргүзүүчү субъекттердин ак ниетсиз иштерине бөгөт коюу максатында, товарларды жана кызматтарды керектөө рыногунда натыйжалуу контроль системасын түзүүгө көмөк көрсөтүү.