Кыргыз Республикасынын Экономика жана коммерция министрлигине караштуу Монополияга каршы жөнгө салуу кызматынын Чуй областык бөлүмүнүн (мындар ары – Бөлүм) кызматкерлери тарабынан 2022-жылдын 5-октябрында Ысык-Ата районунун базарларында жана соода түйүндөрүндө сатуучулар тарабынан “Өлчөө бирдиктүүлүгүн камсыз кылуу жөнүндө” Кыргыз Республикасынын Мыйзамынын талаптарын сактоо боюнча мониторинг жүргүзүлдү.
Мониторингдин жүрүшүндө соода түйүндөрүндө текшерүүдөн өткөн өлчөө каражаттарынын (таразаларнын) бар-жоктугу текшерилди, өлчөө каражаттарын текшерүү жөнүндө күбөлүгү жок сатуучуларга аталган мыйзам бузууну жоюу боюнча Бөлүмдүн кызматкерлери тарабынан эркертме берилди. Ошондой эле, “Керектөөчүлөрдүн укуктарын коргоо жөнүндө” Кыргыз Республикасынын Мыйзамынын нормаларын сактоо, СанПин боюнча азык-түлүк товарларынын товардык конушу, продукцияга шайкештик сертификатынын болушу жана продукциянын баасын санкциясыз ашыра коюу боюнча түшүндүрүү иштери жүргүзүлдү.