Расмий документ

КУПУЯЛУУЛУК САЯСАТЫ

«Баалардын мониторинги» мобилдик тиркемесинин купуялуулук саясаты

Күчүнө кирген күнү: 20.05.2026

1. Жалпы жоболор

1.1.

Бул Купуялуулук саясаты Кыргыз Республикасынын Экономика жана коммерция министрлигине караштуу Монополияга каршы жөнгө салуу кызматы (мындан ары — «Оператор») тарабынан иштелип чыккан жана башкарылган «Баалардын мониторинги» мобилдик тиркемеси (мындан ары — «Тиркеме») аркылуу алынган маалыматтарды чогултуу, колдонуу, сактоо жана коргоо тартибин аныктайт.

1.2.

Тиркемени колдонуу менен колдонуучу бул Купуялуулук саясатынын шарттарына макулдугун билдирет.

2. Тиркеменин багыты

2.1.

Тиркеме Кыргыз Республикасынын аймагында социалдык маанилүү товарлардын баасынын көтөрүлүшү боюнча жарандардын кайрылууларын кабыл алуу үчүн багытталган.

3. Кандай маалыматтар чогултулушу мүмкүн

3.1.

Тиркеменин иштөө алкагында төмөнкү маалыматтар чогултулушу мүмкүн:

колдонуучунун аты;
телефон номери;
электрондук почта дареги;
кайрылуунун тексти;
колдонуучу тарабынан тиркелген сүрөттөр жана башка файлдар;
геолокация маалыматтары (колдонуучунун макулдугу болгон учурда);
түзмөктүн техникалык маалыматтары (түзмөктүн модели, операциялык тутумдун версиясы, IP-дарек, тиркеменин идентификаторлору, каталар жана диагностика жөнүндө маалыматтар).

4. Маалыматтарды иштеп чыгуунун максаттары

4.1.

Собранные данные используются исключительно для:

колдонуучулардын кайрылууларын иштеп чыгуу;
колдонуучулар менен кайра байланышуу;
социалдык маанилүү товарлардын баалары жөнүндө маалыматтарды талдоо;
Тиркеменин иштөө сапатын жогорулатуу;
кызматтардын коопсуздугу жана туруктуу иштешин камсыз кылуу;
Кыргыз Республикасынын мыйзамдарынын талаптарын аткаруу.

5. Маалыматтарды үчүнчү жактарга берүү

5.1.

Оператор жеке маалыматтарды үчүнчү жактарга сатпайт жана бербейт, төмөнкү учурларды кошпогондо:

Кыргыз Республикасынын мыйзамдарында каралган учурларда;
мамлекеттик маалыматтык тутумдардын иштеши үчүн зарыл болгон учурда;
техникалык колдоо көрсөтүү жана маалыматтык коопсуздукту камсыз кылуу менен байланышкан учурларда.

6. Маалыматтарды сактоо жана коргоо

6.1.

Оператор колдонуучулардын маалыматтарын уруксатсыз кирүүдөн, өзгөртүүдөн, ачыктоодон же жок кылуудан коргоо үчүн зарыл болгон уюштуруучулук жана техникалык чараларды көрөт.

6.2.

Маалыматтар иштеп чыгуу максаттарына жетүү үчүн зарыл болгон мөөнөттө же Кыргыз Республикасынын мыйзамдарында белгиленген мөөнөттө гана сакталат.

7. Колдонуучунун укуктары

7.1.

Колдонуучу төмөнкүлөргө укуктуу:

өзүнүн маалыматтары жөнүндө маалымат суроого;
өзүнүн маалыматтарын тактоону же өчүрүүнү талап кылууга;
жеке маалыматтарды иштеп чыгууга макулдугун кайтарып алууга;
ыйгарым укуктуу органдарга даттануу менен кайрылууга.

8. Түзмөктүн уруксаттарын колдонуу

8.1.

Тиркеме төмөнкүлөргө жетүүнү сурашы мүмкүн:

камерага — сүрөттөрдү тиркөө үчүн;
галереяга/сактагычка — файлдарды жүктөө үчүн;
геолокацияга — кайрылуу жасалган жерди көрсөтүү үчүн;
Интернет тармагына — кайрылууларды жөнөтүү жана маалыматтарды алуу үчүн.

8.2.

Бардык уруксаттар Тиркеменин функцияларынын алкагында гана колдонулат.

9. Балдардын купуялуулугу

9.1.

Тиркеме 13 жашка чыга элек балдар тарабынан колдонууга багытталган эмес. Оператор балдардын маалыматтарын атайын чогултпайт.

10. Саясатка өзгөртүүлөрдү киргизүү

10.1.

Оператор бул Купуялуулук саясатына өзгөртүүлөрдү киргизүүгө укуктуу. Акыркы версиясы колдонуучуларга ар дайым Тиркемеде жеткиликтүү болот.

11. Байланыш маалыматы

11.1.

Кыргыз Республикасынын Экономика жана коммерция министрлигине караштуу Монополияга каршы жөнгө салуу кызматы.

Жеке маалыматтарды иштеп чыгуу маселелери боюнча колдонуучу мамлекеттик органдын расмий байланыш каналдары аркылуу кайрыла алат.

Башкы бет