Кыргыз Республикасынын экономика жана коммерция министрлигине караштуу монополияга каршы жөнгө салуу кызматынын Баткен облустук бөлүмүнүн адистери, жергиликтүү бийлик органдарынын жана салык кызматынын  өкүлдөрү менен биргеликте 2024-жылдын 19-сентябрында Кадамжай районунда көмүр сатуу түйүндөрүнө мониторинг жүргүзгүлдү.

Мониторинг учурунда Кыргыз Республикасынын Экономика жана коммерция министрлигине караштуу Монополияга каршы жөнгө салуу кызматынын Баткен облустук бөлүмүнүн 2024-жылдын 11-сентябрындагы №19 буйругана ылайык Баткен облусунун аймагында калкка сатылуучу көмүрдүн чекене бааларынын максималдуу денгээли 90 календарлык күндүк мөөнөткө белгиленгендигин тааныштыруу максатында топ базада көмүр сатуучулар арасында түшүндүрүү иштери жүргүзүлдү.

Түшүндүрүү иштеринин жүрүшүндө көмүрдүн максималдуу деңгээли Кадамжай районунда көмүрдүн “БР” маркасы тангакталганы 1 кг. 9,5 сомдон жана 1 тн. 9000 сомдон, жергиликтүү көмүр таңгакталганы 1 кг. 8,50 сомдон жана 1 тн.8 000 сомдон ал эми “БК” маркасы тангакталганы 1 кг. 12 сомдон белгиленгени жөнүндө маалыматтар айтылып, ишкерлерге кышкы жылуулук берүү мезгилинде көмүрдүн жөнгө салынган баасында туруктуу кармоо жана негизсиз көтөрүлүшүнө жол бербөө керектиги  түшүндүрүлдү.