Кыргыз Республикасынын Экономика жана коммерция министрлигине караштуу Монополияга каршы жөнгө салуу кызматынын төрагасы К.Д. Тайлаковдун аймактык бөлүмдөргө кум шекердин баасын турукташтыруу боюнча жер-жерлерде иштерди күчөтүүнү, социалдык жактан маанилуу товарлардын бааларына мониторингдерди күн сайын жүргүзүүнү жана региондордун бардык соода субъектилери боюнча кум шекерди сатуучулар менен түшүндүрүү иштерин жүргүзүү боюнча тапшырмасынын алкагында, Кызматтын Чүй облустук бөлүмүнүн кызматкерлери тарабынан ү.ж. 13-сенябрында Чүй облусунун Сокулук районунун аймагында социалдык жактан маанилүү товарларынын бааларына мониторинг жүргүзүлдү.

Сатуучулардын арасында бааларды кармап туруу жана социалдык жактан маанилүү товарларга баалардын алып-сатарлык өсүшүнө жол бербөө максатында түшүндүрүү иш-чаралары жүргүзүлүп, “Атаандаштык жөнүндө” жана “Керектөөчүлөрдүн укуктарын коргоо жөнүндө” Кыргыз Республикасынын мыйзамдарын сактоо маселелери боюнча түшүндүрмөлөр берилди.

Сатуучулардын айтуусу боюнча, социалдык жактан маанилүү товарларга болгон баалар туруктуу, запастар жетиштүү көлөмдө, ошондой эле акыркы күндор ичинде социалдык жактан маанилуу товарларга болгон баалар төмөндөшү байкалууда, мисалга алсак кум шекерге болгон баа 78-90 сомду түздү.

Мониторинг Сокулук айылынын аймагындагы “Жибек Жолу” борбордук базарын, “Глобус” жана “Фрунзе” соода тармактарын жана дүкөндөрдү камтыды.

Бөлүмдүн монитринг жүргүзүү боюнча иштери мындан ары да улантылат.