Кыргыз Республикасынын Министрлер Кабинетинин 2023-жылдын 14-мартындагы №104 буйругу менен бекитилген “2023-жылы сезондук айыл чарба талаа жумуштарын жүргүзүү боюнча Иш чаралар планынын 17-пунктун аткаруу максатында, Кыргыз Республикасынын Экономика жана коммерция министрлигине караштуу Монополияга каршы жөнгө салуу кызматынын 2023-жылдын 29-майындагы №21 буйругу менен айыл чарба товар өндүрүүчүлөрүнөн Кыргыз Республикасынын Өзгөчө кырдаалдар министрлигине караштуу Мамлекеттик материалдык резервдер фонду сатып алган азык-түлүк буудайынын 1 килограммы үчүн сатып алуу баасы 23 сом деңгээлинде белгиленген.