Кыргыз Республикасынын Министрлер Кабинетинин 2022-жылдын 2-ноябрындагы №594 “Кыргыз Республикасынын аймагында көмүрдүн баасын убактылуу мамлекеттик жөнгө салууну киргизүү жөнүндө” жана Кыргыз Республикасынын Өкмөтүнүн 2009-жылдын 22-апрелиндеги №242 “Социалдык жактан маанилүү товарларынын айрым түрлөрүнө бааларды мамлекеттик жөнгө салуу жөнүндө” токтомдуруну аткаруу максатында Монополияга каршы жөнгө салуу кызматынын Баткен облустук бөлүмдүн кызматкерлери, Кызыл-Кыя шаарынын жана Кадамжай районунун жергиликтүү органдардын өкүлдөрү менен биргеликте Кызыл-Кыя шаарында жана Кадамжай районунда көмүрдүн баасын ооздуктоо боюнча иш-чара жүргүзүлдү.

Мониторинг учурунда кызматкерлер көмүр сатуучу ишкерлерге кышкы жылуулук берүү мезгилинде көмүрдүн жөнгө салган баасында туруктуу кармоо жана негизсиз көтөрүлүшүнө жол бербөө максатында түшүндүрүү иштерин жүргүзүп, 1 жазма эскертме жана 6 билдирүү берилди.

Мындан тышкары, бөлүмдүн кызматкерлери тарабынан Кыргыз Республикасынын «Атаандаштык жөнүндө», «Керектөөчүлөрдүн укуктарын коргоо жөнүндө» жана «Өлчөөлөрдүн бирдейлигин камсыз кылуу жөнүндө» мыйзамдарынын сакталышы боюнча түшүндүрмөлөр берилди.