25-январь күнү Бишкек шаарында көмүрдүн кымбатташына жол бербөө максатында, Бишкек шаары боюнча бөлүмдүн кызматкерлери тарабынан көмүр базаларына мониторинг жүргүзүлдү.
Бул иш-чаранын жүрүшүндө сатуучуларга «Керектөөчүлөрдүн укуктарын коргоо жөнүндө» жана «Өлчөөлөрдүн бирдейлигин камсыз кылуу жөнүндө» мыйзамдарынын талаптарынын сакталышы боюнча түшүндүрүү иштери жүргүзүлдү.
Сатуучуларга көмүрдүн баасынын көтөрүлүшүнө жол бербөө боюнча түшүндүрүлдү.
Белгилей кетсек, көмүрдүн баасы туруктуу. Бишкек шаарындагы бардык отун базаларында көмүр жетиштүү көлөмдө бар, көмүр тартыштыгы жок.